Wéi oft sees du spontan “Jo”, wann een dech fir eppes freet? Oft?

A wéi oft iergers du dech duerno doriwwer?

Wéi oft gees du mat engem ‘Jo” e Kompromëss an, aus Angscht, ofgeleent ze ginn
oder well déi aner Persoun dech soss net méi gären huet?

E ‘Jo’ zu deem wat e net gären huet,

ass e ‘Nee’ zu sech selwer

Wa mir ‘Jo’ soen, a ‘Nee’ mengen,

soe mir ‘Nee’ zu eisen eegene Wënsch a Bedürfnisser.

Mee wat mécht dat ‘Nee-soen’ sou schwéier?

Firwat hu mir Scholdgefiller, wa mir ‘Nee’ soen?

Oft sinn et Ängschten a Glawenssätz déi sech am Laf vun eisem Liewen
lues a lues an eis ofgespäichert hunn.

Eng grouss Hürd ass och dat Gefill sech verpflicht ze fillen.
Mir mengen oft, mir wieren enger Persoun eppes schëlleg.

Dobäi ass et net egoistesch, wa mir mol ‘Nee’ soen a fir eis selwer astinn!

Du däerfs deng Grenze setzen

‘Nee’ soen bedeit och Verantwortung fir sech selwer ze iwwerhuelen

 

Wann s du elo motivéiert bass,
daat ‘Nee – soen’ ze üben,
da mach dir elo mol eng Lëscht mat Saachen, ob déi s du keng Loscht méi hues.

Saache, wéi ‘Nee’ zu falscher Verantwortung, zu Verpflichtungen,
zu klenge Wönsch, zu klengen Aufgaben….

Fro dech bei allem:

Wéi géif ech reagéieren, wann ech keng Scholdgefiller hätt, wann ech komplett fräi wir?

D Fäegkeet ‘Neen’ ze soen, ass den éischte Schratt an deng Fräiheet

Du hues de Courage ‘Neen’ ze soen

 

Wann s du awer nach zécks, dir sees:

‘ech wëll ‘nee’ soen, hunn awer nach Angscht…’

da kuck dir déi follgend 5 Tips vu mir un fir déi Angscht ze iwwerwannen

Well ‘ Nee – soen’ ,
eege Bedürfnisser respektéieren, Grenze setzen
a fir sech selwer an ze stoe kann e léieren!